Scéim ensembles na n-óg

Tá na cinntí maoinithe do Scéim Ensembles na nÓg 2010 fógartha ag an gComhairle Ealaíon. Tá maoiniú tairgthe do 22 ensemble ar fiú €180,091 é. Bhí 49 iarratas incháilithe agus méid iomlán de €415,730 uathu.

Chun breathnú ar na healaíontóirí agus ar na heagraíochtaí a fhaigheann maoiniú - téigh le do thoil chuig bunachar sonraí na gcinntí ar shuíomh Gréasáin na Comhairle Ealaíon: roghnaigh 'Scéim Ensembles na nÓg ' ón roghchlár 'Ciste'; roghnaigh an bhliain '2010' agus cliceáil ar ‘Cuardach’.

Tá ensembles na n-óg a bhfuil cuntas teiste cruthaithe acu i dteideal cur isteach ar mhaoiniú trí cheann de shraitheanna ioncaim seo a leanas na Comhairle Ealaíon:

. Deontas le haghaidh clár bliantúil
. Maoiniú bliantúil

Is é an dáta deiridh i gcomhair iarratais ar Dheontais le haghaidh Clár Bliantúil nó Maoiniú Bliantúil ná an 2 Nollaig 2010; osclaítear an próiseas iarratais ar líne an 1 Samhain 2010.  Tabhair faoi deara go bhfuil an dá sraith maoinithe an-iomaíoch agus mar thoradh ar an mbrú atá ar acmhainní na Comhairle Ealaíon faoi láthair, ní féidir ach líon teoranta dámhachtana a thabhairt.  Cé go bhfuil ensembles na n-óg i dteideal iarratais a dhéanamh, tá na sraitheanna ioncaim seo oscailte do réimse leathan eagraíochtaí, agus níl siad dírithe go sainiúil ar ensembles na n-óg.  Tabhair faoi deara freisin, má tá tú ag fáil dámhachtain trí Scéim Ensembles na nÓg in 2010, ní féidir iarratas a dhéanamh ar Dheontas le haghaidh Clár Bliantúil nó Maoiniú Bliantúil ach amháin le haghaidh gníomhaíochtaí nach bhfuil maoinithe cheana féin faoin scéim YES. 

Sárthaispeántas Scéim Ensembles na nÓg 2009 (Grianghraf: Paddy Hough)

In Eanáir 2010, reáchtáladh imeacht chun grúpaí déanta scannán, damhsa, téatair, agus físealaíon don ógra, ar dámhadh maoiniú orthu faoi Scéim Ensembles na nÓg an bhliain roimhe sin, a thabhairt le chéile ar mhaithe lena gcuid taithí agus le samplaí de na saothair a chruthaigh siad a roinnt.   Rinne Exchange Dublin, ceann de na grúpaí ar dámhadh maoiniú orthu tríd an scéim, an t-imeacht a éascú agus a thaifeadadh.    Féach ar fhíseán gearr ón imeacht sin. 

Is féidir leat féachaint ar fhaisnéis ó bhlianta roimhe sin ar leathanach cartlainne Ensembles na nÓg.