Tá aiféala curtha in iúl ag an gComhairle Ealaíon ar chloisteáil dóibh faoi bhás an aisteora Mick Lally, a d’éag inniu.
Dúirt Pat Moylan, Cathaoirleach na Comhairle Ealaíon, "Goileann an scéal uafásach seo faoi bhás Mick Lally go mór orainn go léir. Cé gur fearr a bheidh aithne ar Mick mar Miley as Glenroe go brách na breithe, beidh an pobal amharclannaíochta faoi bhrón agus faoi bhuairt mar gheall ar ghairmí díograiseach agus cumasach a chailleadh, fear a d’oibrigh i ngach ceann de na hamharclanna móra sa tír. Ní hamháin go raibh cáil air i saol na teilifíse agus na scannánaíochta, ach bhí Mick ar dhuine de na daoine a bhunaigh Druid Theatre i nGaillimh i 1975 le Garry Hynes agus Marie Mullen. Ba aisteoir cumasach agus ba dhuine uasal é, agus beidh daoine lasmuigh agus laistigh de phobal na n-ealaíon i gcoitinne buartha faoina bhás."