Cuireann an Chomhairle Ealaíon a brón in iúl faoi bhás Sheáin Mhic Réamoinn, a bhásaigh maidin inné agus é 85 bliain d'aois.
Bhí sé ar dhuine de phríomhchraoltóirí agus iriseoirí na hÉireann sa Ghaeilge agus sa Bhéarla. Thosaigh sé ag obair le Radio Éireann i 1947 agus d'oibrigh sé leis an aonad craolacháin seachtrach in éineacht leis an mbéaloideasóir agus ceoltóir traidisiúnta Séamus Ennis. Ba dhuine ceannasach é in RTÉ ar feadh blianta fada áit a raibh roinnt post sinsearach riaracháin aige.
Ag labhairt di inniu, dúirt, Mary Cloake, Stiúrthóir na Comhairle Ealaíon, “Bhí baint ag Seán Mac Réamoinn le go leor gnéithe den saol cultúrtha, idir An Taibhdhearc agus Cumann Merriman. Aireoidh a chairde agus a chomhghleacaithe go léir uathu go mór é. Cuirimid ár gcomhbhrón in iúl dá bhean Patricia agus dá chlann.”
Críoch.
Arna eisiúint ag:
Joe Stuart,
Oifigeach Preasa agus Cumarsáide
An Chomhairle Ealaíon
01-618 0235