Déanann an Chomhairle Ealaíon comhghairdeas le hAiltirí dePaor de bhrí gurb é an chéad chleachtas as Éirinn a bhfuil cuireadh faighte aige a bheith páirteach sa phríomhthaispeántas ag an 12ú Taispeántas Ailtireachta Idirnáisiúnta - La Biennale di Venezia.
Dúirt Claire Doyle, Ceann Ailtireachta sa Chomhairle Ealaíon: ‘Is iontach an éacht é do chleachtas ailtireachta as Éirinn. Tráth a bhfuil deacrachtaí go leor ag ailtirí ar fud na hÉireann, is féidir leo a bheith mórtasach i gcónaí as an méid atá bainte amach ag gairm na hailtireachta go hidirnáisiúnta. Tugann an deis seo, mar aon le hionadaíocht oifigiúil na hÉireann ag an Biennale, ó deBlacam agus Meagher, aitheantas arís eile d’Éirinn leis an méid atá bainte amach aici i gcúrsaí cultúrtha’.