Rinne an Chomhairle Ealaíon comhghairdeas le Gabriel Byrne tar éis an fhógra go mbeidh sé mar chéad Ambasadóir Cultúrtha na hÉireann.
Ag labhairt di tar éis an fhógra, dúirt Cathaoirleach na Comhairle Ealaíon, Pat Moylan "Cúis áthais dom gur ceapadh Gabriel Byrne mar Ambasadóir Cultúrtha dúinn - ról atá a dhéanamh aige go neamhfhoirmiúil le fada an lá! Táim ag tnúth le hoibriú i ndlúthpháirtíocht le Gabriel, agus tá a fhios agam go gcoimeádfaidh sé Éire, agus ealaíona na hÉireann, os comhair lucht féachana thar lear, ina bhealach uathúil féin.
"Leis an gceapachán seo admhaíonn Rialtas na hÉireann go mbeidh ról lárnach ag na healaíona sa téarnamh eacnamaíochta, agus molaim an Taoiseach as a dhearcadh fadbhreathnaitheach agus a fhís."