Tréaslaíonn an Chomhairle Ealaíon leis na scríbhneoirí Éireannacha Colm Tóibín, Ed O’Loughlin agus William Trevor ar cuireadh a saothair ar fhadliosta don Duais Man Booker.
Tar éis an fhógra, dúirt Sarah Bannan, Ceann Litríochta na Comhairle: "Úrscéal gleoite léirsteanach é Brooklyn. Tá an-smacht gutha agus pointe féachana ag an Tóibíneach, agus an-bhá aige lena charachtair agus lena chois sin tá bua na scéalaíochta go smior ann. Cinntíonn na tréithe sin go bhfanfaidh an saothar seo in aigne an léitheora i bhfad i ndiaidh dó an leathanach deireanach a léamh. Scéal casta aireachtálach faoi eisimirce agus teacht in aois atá ann, ach fós is cur síos sofaisticiúil cumasach láidir é ar an saol go hinmheánach agus ar mhothúcháin cheilte."
Saothar cumasach ficsean is ea Love and Summer a dhaingníonn áit William Trevor mar fhathach liteartha an lae inniu. Is scríbhneoir é a cuireadh ar an ngearrliosta ceithre uaire cheana agus ní theipeann ar a shaothar daoine a spreagadh, a shaighdeadh agus a gcroí a bhogadh."
Tá sé de bhua ag Ed O’Loughlin faire a dhéanamh ar idirghabháil pholaitiúil agus dhaonna, agus ó tá an-chumas go deo ann mar scríbhneoir is leabhar cumasach corraitheach é a chéad úrscéal nach féidir dearmad a dhéanamh air. Tá Not Untrue & Not Unkind, cosúil leis na saothair Éireannacha eile ar an ngearrliosta seo sa mhéid is gur saothar grástúil casta é a bhfuil áit ar an ngearrliosta saothraithe go rí-mhaith aige."