Tá aiféala curtha in iúl ag an gComhairle Ealaíon ar chloisteáil dóibh faoi bhás Anna Manahan.
Rugadh Anna i gCathair Phort Láirge, agus bhí iliomad róil aici i dtéatar, teilifís agus scannáin na hÉireann agus Shasana thar thréimhse a gairme aisteoireachta a mhair os cionn leathchéad bliain.
Ag labhairt di inniu dúirt Pat Moylan, Cathaoirleach na Comhairle Ealaíon: "Is trua leis an gComhairle Ealaíon go mór bás Anna Manahan. Ba ghairmí den scoth í Anna, agus bhí aisteoireacht téatair go smior inti. Bhain lucht féachana ar fud na hÉireann agus ar fud an domhain an-sásamh as a saothar, agus aireoidh a comhghleacaithe agus a cairde i saol téatair na hÉireann uathu go mór í."
Fuair an tUasal Manahan ainmniúchán do Ghradam Tony i 1969 as a ról i léiriú Broadway den dráma Lovers le Brian Friel. Ag filleadh ar Broadway di 30 bliain níos déanaí, bhuaigh Anna Gradam Tony na bliana 1998 as a ról "Mag" sa léiriú de The Beauty Queen of Leenane a bhain ardmholadh amach.