Tá iarratais á lorg i gcomhair tograí a bhfuil maoiniú á lorg iontu chun tacaíocht a thabhairt do shaothar a thabhairt ar chamchuairt agus a scaipeadh thar raon foirmeacha ealaíne agus raon cleachtais ealaíne. Ceapadh an scéim seo chun tacú le camchuairteanna agus scaipeadh saothair a gcuirfear tús leo idir mí Eanáir 2023 agus mí Meithimh 2023.

Tá an Scéim Camchuairte agus Scaipthe Saothair oscailte d’iarratais ó eagraíochtaí agus ó dhaoine aonair. Spreagtar iarratais ina léirítear comhoibriú / comhpháirtíocht idir líonraí, cuibhreannais nó grúpaí eile láithreoirí, go háirithe nuair a léirítear iontu ardleibhéal rannpháirtíochta le luchtanna féachana/éisteachta agus ardleibhéal comhoibrithe leis an aonán nó leis na healaíontóirí atá i mbun léirithe.  

Féach an Scéim Camchuairte agus Scaipthe Saothair, Treoirlínte d’Iarratasóirí in 2023 le haghaidh sonraí faoin scéim lena n-áirítear foirmeacha ealaíne ar leith agus tosaíochtaí cleachtais ealaíon.  

Má tá aon cheist ghinearálta agat maidir leis an scéim seo, déan teagmháil le suzanne.ring@artscouncil.ie, le do thoil.  

Má tá aon cheisteanna agat a bhaineann go sonrach le foirmeacha ealaíne nó le cleachtais ealaíon, cuir ríomhphost chuig an bhfoireann ábhartha le do thoil. Tá na sonraí teagmhála ar fad ar leathanach Teagmhálacha shuíomh gréasáin na Comhairle Ealaíon.

Tabhair faoi deara go bhfuiltear ag tabhairt faoin Scéim Camchuairte agus Scaipthe Saothair faoi láthair agus d’fhéadfaí athruithe a dhéanamh i mbabhtaí maoinithe sa todhchaí. 

Ní mór go mbeadh na camchuairteanna ag tosú idir Eanáir 2023 agus Meitheamh 2023.