Cuspóir na dámhachtana

Is é cuspóir Bhabhta 2 de Dhámhachtain do Thionscadal sna hAmharc-ealaíona 2023 ná tacú le réamh-léiriúchán nó cur i láthair saothair a bhfuil obair le tosú air ón 1 Meitheamh 2023. 

Is féidir cur isteach ar Bhabhta 2 de Dhámhachtain do Thionscadal sna hAmharc-ealaíona 2023 faoi dhá snáithe:

Snáithe 1: Pleanáil agus Réamh-Léiriúchán: 

• Tacaíonn Snáithe 1 le healaíontóirí, le coimeádaithe nó le léiritheoirí chun pleananna a ullmhú agus a dheimhniú, chomh maith le taighde a dhéanamh ar na pleananna céanna le haghaidh saothar amharc-ealaíne nua agus uaillmhianach a chuirfear i láthair amach anseo.
• Tacaíonn an snáithe seo le forbairt agus le hullmhúchán tionscadail nó coimisiúin seachas a chur i láthair poiblí nó toradh.
• Is é €7,000 an t-uasmhéid ar féidir iarratas a dhéanamh air.

Snáithe 2: Léiriúchán: 

• Tacaíonn Snáithe 2 le táirgeadh agus coimisiúnú tionscadal uaillmhianach sna hamharc-ealaíona, agus béim ar chur i láthair agus ar rannpháirtíocht an phobail. 
• Féadann na tionscadail sin tarlú i spás poiblí, suíomh dánlainne, suíomhanna agus ionaid neamhghnácha nó ar ardáin dhigiteacha. 
• Is do chéim dheireanach an tionscadail é Snáithe 2. 
• Is é €80,000 an t-uasmhéid ar féidir iarratas a dhéanamh air.
• Má éiríonn leo, beidh bliain amháin ag iarrthóirí ó fhaigheann torthaí na gníomhaíochtaí uile a bhaineann lena n-iarratas tionscadail a chur i gcrích. 
  
  

Tabhair faoi deara:

• Tá ábhar tacaíochta difriúil i gceist le Snáithe 1 agus le Snáithe 2 den Dámhachtain do Thionscadal sna hAmharc-ealaíona. Ciallaíonn ábhar tacaíochta ábhar ar leith ó d’fhoirm iarratais agus sa bhreis air.
• Caithfear an t-ábhar tacaíochta ar fad a theastaíonn a chur isteach leis an bhfoirm iarratais. Leagtar an t-ábhar sin ar fad amach sna treoirlínte a thagann leis an dámhachtain. 
• Má dhéanann tú iarratas ar Shnáithe 1, féadfaidh tú iarratas a dhéanamh ar Shnáithe 2 amach anseo chun an tionscadal a léiriú agus a chur i láthair.
• Tá an-éileamh ar an Dámhachtain do Thionscadal faoi na hAmharc-Ealaíona, agus beifear ag súil leis go léireoidh iarratais an chaoi a ndéanfar an togra deiridh (snáithe 2) a phleanáil, a bhainistiú, agus a chur i láthair.
• Beidh dearbhú ó rannpháirtithe nó príomhpháirtithe eile an togra tionscadail le cur san iarratas.