An chéad babhta de Scéim Infheistíochta na bhFéilte (FIS) le haghaidh féilte a thosaíonn idir an 1 Iúil 2025 go 31 Nollaig 2025 fógartha ag an gComhairle Ealaíon.

Is é ról na Comhairle Ealaíon tacú le timpeallacht féilte ealaíon ilghnéitheacha agus éagsúla agus tacú lena forbairt, mar aon le sraith tacaíochtaí a chur ar fáil a spreagann samhlacha a bhfuil an cleachtas is fearr acu, i.e. samhlacha a mhéadaíonn deiseanna do chaidreamh leis an bpobal nó do rannpháirtíocht an phobail nó a fhorbraíonn saothar ealaíontóra/foirm ealaíne.
I dtaca leis sin cuireann an Chomhairle Ealaíon tacaíocht airgeadais ar fáil d’fhéilte beaga chun taithí ar ealaíona ardcháilíochta a thabhairt do lucht féachana agus éisteachta. Tugtar tosaíocht freisin do chláir a chruthaíonn rannpháirtíocht na bpobal áitiúil agus atá ábhartha dóibh nó do phobail leasmhara.

Aithníonn an Chomhairle Ealaíon an éagsúlacht a bhaineann le samhlacha oibriúcháin d’fhéilte agus an éagsúlacht shaibhir de réimsí cleachtais foirm ealaíne a chuireann féilte i láthair agus an ról ríthábhachtach atá acu chun rochtain an phobail ar na healaíona a leathnú. Aithníonn an Chomhairle an méid mór oibre a dhéanann na coistí deonacha maidir leis na féilte seo a fhorbairt.

I dtaca leis sin cuireann an Chomhairle Ealaíon fáilte roimh iarratais ó eagraíochtaí (deonacha agus proifisiúnta) a bhíonn ag oibriú ar chláir féile bhliantúla, dhébhliantúla nó thríbhliantúla agus tacaíonn sí (tríd an dámhachtain seo) le féilte ealaíon ildisciplíneacha, mar aon le féilte a bhaineann le foirm ealaíne amháin. 

Is scéim iomaíoch í Scéim Infheistíochta na bhFéilte a thugann tacaíocht mhaoinithe chun féilte a reáchtáil ar bhonn neamh-athfhillteach.

Tá sé tábhachtach a thabhairt faoi deara go dtugtar maoiniú faoin gclár seo ar bhonn aon-uaire.

Mar sin, níor chóir dóibh siúd a fuair dámhachtainí sna babhtaí maoinithe de Scéim Infheistíochta na bhFéilte roimhe seo glacadh leis go soláthrófar maoiniú.

Tá trí bhanda maoinithe ar fáil:

• Banda A: Suas le €10,000

Banda B: Idir €10,001 agus €25,000

Banda C: Idir €25,001 agus €45,000

An banda ceart a roghnú do Scéim Infheistíochta na bhFéilte (FIS)

Tá trí bhanda i Scéim Infheistíochta na bhFéilte agus ceapadh gach ceann acu le tacú le féilte ag céimeanna éagsúla dá bhforbairt. Ní féidir le heagraíocht ach iarratas amháin sa bhliain a dhéanamh faoi Scéim Infheistíochta na bhFéilte (i.e. iarratas amháin i mbanda amháin gach bliain féilire). Ba chóir duit an ceann is oiriúnaí a roghnú do d’eagraíocht féile féin. Déan tagairt do threoirlínte an iarratais le haghaidh sonraí bhreise.

Tábhachtach

Ní mór d’iarrthóirí féilte ar mhaith leo cur isteach ar Bhanda C a bheith ar an bhfód ar feadh cúig bliana ar a laghad agus cúig chlár féile ar a laghad as a chéile a bheith curtha i gcrích acu.

Ní mór d’iarrthóirí féilte ar mhaith leo cur isteach ar Bhanda B a bheith ar an bhfód ar feadh dhá bhliain ar a laghad agus dhá chlár féile ar a laghad as a chéile a bheith curtha i gcrích acu.

Ní ghlactar le foirmeacha iarratais ná le hábhair iarratais ach amháin ar líne trí leas a bhaint as Córas ar Líne na Comhairle Ealaíon (OLS).

Ní ghlacfar le hiarratais chuirfear isteach trí an bpost, trí ríomhphost nó ar facs.

Ní ghlacfar le hiarratais dhéanacha.

Scéim Infheistíochta na bhFéilte 2025 Babhta 2 – Clinic Iarratais

Beidh sé seo ar siúl ar an 7 Samhain ag 11.30 agus is féidir clárú le freastal ar ár leathanach Clinicí anseo.

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:          

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.