D’aithin an Chomhairle Ealaíon na rudaí seo a leanas mar thosaíochtaí straitéiseacha le haghaidh tacaíochta tríd an dámhachtain seo:

Tionscadail a dhíríonn ar na réimsí seo a leanas:

• Rannpháirtíocht an phobail – e.g. na healaíona agus an tsláinte, pobail spéise nó áite, na healaíona agus míchumas, éagsúlacht chultúrtha, daoine breacaosta, ealaíona na n-óg, na healaíona agus oideachas, pobail a bhfuil sé deacair teacht orthu Cláir ina ndírítear ar ealaíontóirí – e.g. na healaíona agus míchumas, coimisiúnú idirnáisiúnta, tacaíochtaí d’ealaíontóirí go háitiúil agus go náisiúnta, cláir chónaitheachta ealaíon

• Forbairt beartais – e.g. forbairt lucht féachana/éisteachta, tionchar eacnamaíoch, tionchar ar cháilíocht saoil, forbairt seirbhísí ealaíon na n-údarás áitiúil, samhlacha dea-chleachtais le haghaidh oifigí agus ionad ealaíon, samhlacha réigiúnacha de chineálacha cur chuige maidir le comhoibriú, agus samhlacha nua infheistíochta chun tacú leis na healaíona.

Céim Taighde agus Forbartha: suas le huasmhéid €30,000

Céim Forfheidhmithe Tionscadail: suas le €90,000 ar a mhéad

Céim Athnuachana Tionscadail: suas le €35,000 ar a mhéad

Tionscadail lena bhfuil baint ag dhá sheirbhís ealaíon de chuid na n-údarás áitiúil nó níos mó.

Tionscadail ina ndírítear ar shamhlacha cleachtais agus/nó taighde gníomhaíochta a fhorbairt atá in ann forbairt beartais a threorú agus a mhúnlú go háitiúil, go réigiúnach agus go náisiúnta amach anseo.

Méid na hinfheistíochta airgid agus/nó comhchineáil ón gcomhpháirtí tacaíochta/ó na comhpháirtithe tacaíochta. Ní mór dó sin a bheith fiche is a cúig faoin gcéad ar a laghad de luach an deontais atá iarrtha.