Tá ríméad ar Scoileanna Ildánacha deis iontach a fhógairt le haghaidh ealaíontóirí, cleachtóirí cruthaitheacha agus daoine aonair atá ag obair in eagraíochtaí in earnáil na n-ealaíon agus san earnáil chultúrtha.
Ba mhaith leis an gComhairle Ealaíon teagmháil a dhéanamh le idir 100 agus 120 Comhlach Cruthaitheach chun tabhairt faoi obair i suas le 400 scoil ar a mhéad ar fud Phoblacht na hÉireann. Is ealaíontóirí nó cleachtóirí cruthaitheacha iad na Comhlaigh Chruthaitheacha a bhfuil tuiscint dhomhain acu ar an gcruthaitheacht agus ar chumas na cruthaitheachta chun saol leanaí agus daoine óga a athrú ó bhonn. Tá siad ríthábhachtach chun rath an tionscnaimh Scoileanna Ildánacha a chinntiú. Sanntar Comhlach Cruthaitheach ar gach Scoil Ildánach rannpháirteach a oibríonn i gcomhpháirtíocht leo chun Plean Scoile Ildánaí a fhorbairt agus a chur i bhfeidhm. Oibríonn Comhlaigh Chruthaitheacha i gcomhpháirtíocht leis an scoil chun réimse deiseanna ealaíon agus cruthaitheacha a phleanáil agus a chur i bhfeidhm, rud a chuirfidh bealaí ar fáil ina mbeifear in ann a bheith rannpháirteach le pobal na scoile ar fad.
Tá an Chomhairle Ealaíon tiomanta do bheartas comhdheiseanna agus spreagann sé iarratais ó gach cuid den phobal faoi na deich bhforas uile a leagtar amach inár mBeartas um Chomhionannas, Cearta an Duine agus Éagsúlacht (chun tuilleadh eolais a fháil, tabhair cuairt ar: Comhionannas, Cearta an Duine agus Éagsúlacht | The Arts Council | An Chomhairle Ealaíon). Cuirimid fáilte nach beag roimh iarratasóirí nua agus tugaimid spreagadh d’iarratais ó gach cuid den phobal beag beann ar inscne, gnéaschlaonadh, stádas sibhialta nó teaghlaigh, creideamh, aois, míchumas, cine nó duine den Lucht Siúil, nó cúlra socheacnamaíoch.
Conas iarratas a dhéanamh
Is féidir le daoine aonair nó eagraíochtaí a bhfuil fonn orthu duine aonair a ainmniú cur isteach ar an tionscadal.
Déanfar conarthaí do sheirbhísí a thairiscint do dhaoine aonair nó d’eagraíochtaí a n-éireoidh leo ar feadh suas le 4 bliana, rud a thosóidh i mí Mheán Fómhair 2023.
Ní mór iarratais a chomhlíonadh agus a chur isteach trí Jotform roimh 12.00 uair an chloig (am áitiúil) Dé Máirt an 18 Aibreán 2023.
Ní ghlacfar le hiarratais nach bhfuil comhlánaithe go hiomlán ná le hiarratais dhéanacha.
Leabhrán Eolais um Sheirbhísí Comhlaigh Chruthaithigh 2023 (PDF, 445KB)
Foirm Iarratais um Sheirbhísí Comhlaigh Chruthaithigh do Dhaoine Aonair 2023
Foirm Iarratais um Sheirbhísí Comhlaigh Chruthaithigh d’Eagraíochtaí 2023
Ceisteanna Coitianta maidir le Seirbhísí Comhlaigh Chruthaithigh 2023 (PDF, 106KB)
Foilseofar aon cheisteanna anseo, chomh maith le freagraí ar na ceisteanna sin, a fhaigheann an Chomhairle Ealaíon roimh 12.00 (am áitiúil) Dé Máirt an 11 Aibreán 2023 má mheastar go mbeadh suim ag iarratasóirí i gcoitinne iontu.
Síneoidh na daoine a roghnófar le haghaidh seirbhísí Comhlaigh Chruthaithigh a chur ar fáil Litir Fostaithe leis an gComhairle Ealaíon. I gcás eagraíochta a bheadh ag ainmniú duine aonair chun na seirbhísí seo a sholáthar, iarrfar ar Stiúrthóir na heagraíochta an Litir Chomhaontaithe.
Féach teimpléid shamplacha anseo le do thoil: Duine Aonair & Eagraíocht.